حمودي القيصر المشرف العام
عدد الرسائل : 209 العمر : 38 العمل/الترفيه : مدرس رياضيات عارضة الطاقة : تاريخ التسجيل : 08/02/2009
| موضوع: فيكة رياضيات الأحد مارس 29, 2009 5:28 am | |
| السلام عليكم طبعاً بما إني أحمل شهادة البكالوريوس في علوم الرياضيات راح أمتعكم بفيكة رياضيات حلوة عندي الكم موضوع كلش فيكة يعني تكدر تتفيك براس اخوك او إختك أو أصدقائك والطريقة راقية وفعالة الفكرة راح يختار صديقك رقمين وبشرط انت ما تعرفهن ولما تأمره بإجراء عمليات حسابية عالرقمين راح تكتشف بالنهاية الرقمين بدون ما تدري بيهن فراح ينبهر صديقك وينصدم فيمكن تحتاج إسعافات أولية جيب صديقك وخلي يجيب وياه ورقة وقلم وإذا أمكن حاسبة خلي صديقك يختار رقمين ما بين 1 الى 99 والأفضل إنه يختار ارقام ثنائية فقط يعني ما بين 10 الى 99 ولو هذا الشي مو ضروري خلي صديقك يختار الرقمين ويكتبهن يمه عالورقة بدون انت ما تدري وخلي يكتب يمه الرقم الأول = ؟؟ الرقم الثاني = ؟؟
هسه انت تطلب منه ان يجري العمليات الحسابية التالية على الرقم الأول فقط 1- إخذ الرقم الأول وضربه بالعدد 2 2- ضيف للناتج 5 3- إضرب الناتج ب100 4- إقسم الناتج على 2 5- إطرح من الناتج في خطوة 4 العدد 365
والآن إطلب من صديقك أن يضيف (الرقم الثاني) للناتج النهائي في الخطوة 5
والآن ستبدأ السحر الخاص بك إطلب منه أن يعطيك الناتج النهائي الذي ظهر عنده والآن خذ الناتج الذي أخذته وأضف له العدد 115 وطبعاً بدون أن يدري صديقك حتى لا يبطل السحر ههههههه سيظهر لك رقم رباعي بهذا الشكل ؟؟؟؟ الرقمين الى اليسار يمثلان الرقم الأول الذي إختاره صديقك الرقمين الى اليمين يمثلان الرقم الثاني
مثال توضيحي : لنفرض ان صديقك إختار الأرقام التالية بدون أن تعلم انت الرقم الأول = 20 الرقم الثاني = 90
إطلب من أن يقوم بالعمليات الحسابية المذكورة أعلاه 1- 20*2=40 2- 40+5=45 3- 45*100=4500 4- 4500\2=2250 5- 2250-365=1885
والآن اطلب منه ان يضيف الرقم الثاني للناتج النهائي راح يطلع عنده 1885+90=1975
إطلب من ان يعطيك الآن الناتج النهائي فقط واللي هو 1975
إنت إخذ الناتج النهائي وضيف له 115 راح يصير عندك 1975+115=2090
ومثل ما تشوف فإن الرقم رباعي
الرقمين عاليسار 20 يمثل الرقم الأول اللي إختاره صديقك
الرقمين عاليمين 90 يمثل الرقم الثاني اللي إختاره صديقك ---------------- ها شنو رأيكم خوش فيكة | |
|