كون كلبك ينفتح

كون كلبك ينفتح

كون كلبك ينفتح وادخل واشوف
واعرف اتعاند صدك من كلبك
وكون اشوفن وسط كلبك وابقى اطوف
جان دليتك يخايب دربك
يلي شابك روحي شبكات الجفوف
كافي احلم جفي يشبك جفك
وانتة تدري بروحي زارع دنيا خوف
الدنيا ما تسوة اذا ما احبك
بيك احلم واشتم بعطر الزلوف
عطر بطيوفي صرت واشتمك
اعطف انتة وادري بطباعك عطووف
عمري ابيعة ولحظة اكعد يمك
يلي بعيونك بكت كل الحروف
يا قصيدة تكفي حتى تلمك
انتة عينك نهر وارموشك جروف
وانتة موج الحسن يجري بدمك
وفوك رمشك حاجبك حد السيوف
اتمعن الخالق هواي ابرسمك
انتة كلك مدرسة وكلك صفوف
واضن منهاج الدراسة بوصفك
كافي اوصفك ولصفاتك راح اعوف
كون ربي من العيون يسلمك
بس اكلك فك دليلك خلني اشوف
وكون ما تعرف تحبنة نعلمك

تحيــــــــاتي

شكراًًً ...............
نورت المنتدى بمساهماتك.............
تــــــــــــحياتي.........

مشكووووووووووووووووووووووووررررررررر

شكراااااااااااااااا
هاي انته تكتب غيرك؟؟؟؟؟؟؟؟؟