خفت احبك

موضوع: خفت احبك السبت مايو 16, 2009 4:51 am

تذكر من مرة انت سألت.احبك لو لا ؟
آنة ما رديت وهواية سكتت
وهم انت رديت السؤال وهم آنة بالرد طولّت
گتلي جاوب لا تطول هلگد بكلمة اصفنت؟
گتلك وك خايف اگلك آنة من عشگگ ذبت
وآنة ضايع في غيابك واكثر بحبك ضعت
وآنة كلي الك لهفة عني لو ساعة ابعدت
وآنة شوگي يهد بيـّة.لبعيد لوّن عنك حاولت
وآنة وياي اريدك وأيدي بيدك لآخر الدنيا لو رحت
گتلي هم ما گلت احبك وكلشي منك مفهمت
وهذا صمتك بيه معاني ومعنى منه معرفت
گولها لو تحس بيها. هي كلمة منها اكثر ما ردت
تذكر شگتلك عليها ؟لو نسيت ومذكرت
هي كلمة يجوز عندك لانگصت لا زيدت
بس هي عندي بحر. من شوگي الك بيه اغرگت
وهي عندي يوم شفتك ماحلى بعيني النظر.وعلى رسمك غمضت
وهي عندي كل همس الليالي الاحلى منها ما شفت
هم بعد تسألني حبيبي ليش احبك ما گلت؟ومن كلمة حبيبي شگد خفت
خلي اگلك ليش من كلمة خفت
وك اي خفت.وهم اذَكرَك آنة گتلك اي خفت
گتلك خفت لاكون احلم تالي اصحى من الحلم ولحظة ابد ما طولت
وخفت تكون بية تلعب. وخفت لتكون وي غيري العبت
وخفت لو گتلك احبك.بس رقم بالقائمة عندك.تالي الگاني صرت
ومن أسمعت انت الكلام اضحكت وهواية اضحكت
بس ما شفتك ابد من هذا كلامي تأثرت
ومن سألتك ألي حق بخوفي هذا؟انوب انت أسكتت
وزاد خوفي بكثر لعبك من كثر ما آنة سألت وانت ابد ما جاوبت
هسة عرفت يا صاحبي ليش آنة سكتت ؟
الحلم الـچنت احلم بيه من عنده أكعدت
وأحلامنا العشناها سوة.هسة أعرفت بس آنة الي بيها احلمت
مو حقي من گتلك خفت ؟وأنت أضحكت ما جاوبت
***

موضوع: رد: خفت احبك الإثنين مايو 18, 2009 2:26 am

حقج تخافين يا لؤلؤة ... شكراً عالقصيدة الحلوة
يا ترى هالكلمات من قلمج لو من قلم ثاني ... يا ترى إنتي عشتي هالتجربة؟

موضوع: رد: خفت احبك الثلاثاء مايو 19, 2009 3:36 am

عاشت إيدج لؤلؤة بأوقات هواي الخوف هو الي يحمينه من الخطأ
بس هاي القصيدة انت خليتيها على اثر تجربة مريتي بيها أكرر سؤال العضو الي قبلي
وانتظر ردج؟؟؟؟؟؟؟؟

موضوع: رد: خفت احبك الأربعاء يوليو 01, 2009 6:00 pm

عاشت ايدج لؤلؤة

شباب رجاءا بدون احراجات

لاى تحاولون تحرجونها....